自2010年《人人彈起演唱會》後， Twins今年12月31日至2016年1月4日， 假紅館舉行5場《Twins LOL Live In Hong Kong》跨年演唱會，準備同大家瘋狂倒數迎接2016。演唱會舉行在即，Twins除加緊排練，更忙於籌備同期推出的新專輯。而這專輯將分拆成兩張EP，各自釋放歡樂氣氛和流露成長閱歷，同你盡情狂歡! 

在過去 15年來Twins試過的造型多不勝數，事隔3年再次孖住拍攝唱片封套，仍想為這張專輯定下新形象，今次造型概念是讓聲音看得見，因為二人相信音樂亦是另一種溝通語言。封套上，Twins穿上以線條為主的設計，寓意五線譜的模樣，內裏再以泳衣襯托。為了有最佳狀態迎接拍攝工作，二人準備功夫做到足，投入程度有如演唱會的前哨戰般。阿Sa除了恆常的體能訓練外，週末還特意早起參與特訓，以運動打造美好身段；而阿嬌則勤做spa及各項美容療程，讓肌膚不用『P圖』都有美肌效果。

今次封套另一新嘗試是拍攝時，放棄企定定或坐定定的靚女相，特意加上動感和光影效果。為營造此種特效，Twins需於一片漆黑的環境下拍攝，攝影師著二人隨意走動，阿Sa、阿嬌坦言非常享受：“第一次在全黑環境中拍攝，無人望住感覺比平時自然，好爽！”。但過程亦考起攝影師，只見他不時問到：“你地喺邊呀？”、“位罝調轉左嘅？”;又試過快門聲響起時，Twins突然傳來一句：“我合埋左眼㖭！”，令現場笑聲此起彼落。二人直呼拍攝相當過癮：“平時攝影師會講『笑得開心啲！』、『手抬高啲！』等等，今次由自己主導，無人知我們的表情和姿勢，每張相都令人期待。而剛剛鏡頭前嘻嘻哈哈、走來走去，又好似飲醉酒，好搞笑！”，結果惹來口㾗友回應：“一熄燈人就消失了，只係覺得你兩個唔見得光喎！”。

Twins埋位不久即拍到心水照片，默契深厚毋庸置疑，不過攝影師仍然影唔停，二人亦樂在其中：“最緊要靚，我們都豁出去了！好多平時唔會試的items 我們都嘗試！”，阿Sa續道：“今次唱片封套需要各方面配合，包括燈光設計，服裝，髮型等等，令成件事好fresh! 其中一個嘗試就用上光纖，以光影在臉上畫出不同圖案，雖然會遮擋了自己樣子，但出來效果好好，令人滿意”。然而最考驗Twins的並不是這身泳衣裝束，而是一對不合尺碼的高踭鞋，事關阿嬌於拍攝前兩日不慎扭傷腳，做出踢腿、彈跳等吃力動作時，常因腳部肌肉不夠力而大喊：“我飛甩隻鞋呀!”，惹來同事反問：“這是新鞋牌子嗎?”。阿Sa則見怪不怪並笑謂：“其實佢一向行路都好論盡，經常左腳撞右腳，很不小心！”。















文：PlayMusic編輯部                       資料/照片/影片：EEG唱片