Eason Fear and Dreams 演唱會來到第八場， 這幾晚不少圈中好友都紛紛現身支持，好朋友謝霆鋒前晚現身，問到霆鋒知唔知Eason上台扮他 Chok？霆鋒笑道，「係咩？我唔知，不過都有睇佢演唱會新聞，好戥佢開心，好成功。」此外，梁詠琪、胡杏兒，MC 張天賦，yoyo岑寧兒， 陳蕾， 李克勤，林二汶、胡蓓蔚、姚子妮、陳敏之、王君馨,  卓韻芝、MC張天賦、ERIC Kwok 、岑建勳等等，均於這幾晚來為Eason加油。
 
天氣轉凍，Eason也開始被影響，所以這兩天一口氣唱晒29 首歌後，也得多喝水免乾燥影響聲線，又經常笑言說話太多，風入口會喉嚨就乾，不過吹神不是浪得虛名，把口講不吹，最後也停不了的「吹」，觀眾每晚也非常期待陳大師講Talk，兼聽得十分興奮。

第七晚Eason就忍唔到口又爆料，「唔好以為我唔驚，其實我好驚。」觀眾大笑不信，Eason笑道，「咁大個空間，你又試下，你就算依家隔離個個坐近少少你，你都會縮開，心諗不如避避啦，點知佢有冇嘢....哈哈。不過人適應力好強嘅...」引得觀眾哈哈大笑。
Eason表示，這個騷2018年開始構思，當初是想做個4D騷，諗住唔單止舞台表演，重會連帶氣味，感受體驗，「諗住唱到咩歌，你可以聞到氣味，例如海風，落雨，有水呀咁...因為我覺得天氣係好影響人類情緒。好似最近凍，大家都唔想開工，想係床訓多陣。我係一個守唔到祕密的人，忍唔到口唔講，不過呢幾年好多嘢講左都發生唔到，習慣左喇，唔講囉...呢幾年我好忙㗎，打網球、打網球、同打網球....練下氣啦咁...諗住唔知幾時可以做番騷，都要keep下，唔好比自己肥。好開心我哋終於等到啦！可以同大家一齊見面，係值得等嘅，有時係會緊張，係會驚，但係好彩，「It is a good day…所以，大家都係唔好諗太多，享受目前呢一刻先，keep yourself busy…煩惱會解決到嘅.....」

第八場 Eason話今晚世界盃總決賽，唔好搞咁夜，觀眾回話 :「 冇所謂。」然後他又問起觀眾坐位價錢，「全部都係$980？但係你坐第一行真係冇後面的$980咁好，無論聲及視野，後面一定好過第一行，佢地視野闊好多，睇晒成件事，都係坐後面著數少少。」有觀眾大叫我係炒飛先入到來，Eason : 「唉，黃牛飛，對唔住我不知有咩方法可以道絕。」而對於歌迷經常大叫: 「我愛你！」Eason就笑住話，「你地唔好咁肉麻.....其實我都好鐘意聽。哈哈哈，但係叫我靚仔就太過份，因為我有自知之明，哈哈。」

這次演唱會Eason每晚都帶給觀眾不同驚喜的encore，歌單之中又有很
經典舊歌，讓不少粉絲都回味十足，以至入到場的入不到場的歌迷，都不斷在網上和數碼平台重溫Eason的歌曲和演唱片段。
 
Encore歌曲現場演繹片段，已經連續一星期雄霸「YouTube發燒影片」頭三位，一人獨霸頭三席位實屬少見。而競猜每場的encore歌曲，更是所有歌迷每日與朋友的節目，並於youtube中不停留意希望Eason可以唱邊首歌。最近一週Eason又登上了Spotify “Weekly Top Artists” 冠軍位置，同步5天連續奪得Spotify “Daily Top Artists” 冠軍。Apple Music的Cantopop Top Albums(廣東唱片專輯榜)內頭20位，Eason的新舊專輯佔據了13個位置；而在頭100位內，Eason的專輯佔據了33個位。
 
有網民在討論區推測Eason在演唱會encore的規律，Eason是按照歷年專輯中挑選安歌曲目，例如：頭場encore歌曲《游離份子》是出自首張專輯《陳奕訊》、第二場encore歌曲《擁抱這分鐘》出自第二張專輯《與我常在》、第三場encore歌曲《黃金時代》出自第三張專輯《我的快樂時代》，如此類推。而第七場的encore歌曲是《明年今日》，收錄在2002年發行的專輯《The Line-Up》之中。
 
重溫陳奕迅FEAR AND DREAMS香港演唱會encore歌單：
https://youtube.com/playlist?list=PLLTqOUR8f6fMymBF5xiHNQo9hJaJiJMyS
 
除了演唱會歌曲大受歡迎外，Eason在上月推出的新歌《人啊人》MV亦引發網民討論。有網民分析MV畫面揉合松果體、眾生法相、肉身靈魂的元素，讚嘆畫面與歌曲完美配合，亦拆解到當中描述瀕死狀態時，從第三身角度回望人生的意味。







 
 
文 : PlayMusic編輯部                    資料/照片/影片 : ESL Limited