陳奕迅繼《人啊人》之後，推出新歌《盲婚啞嫁》，並邀請了曾經與他合作《短暫的婚姻》女主角蔡思韵一起拍攝這首新歌MV，新歌更會有一個長達十五分鐘的劇場版，由他及蔡思韵、谷祖琳 、陳紫萱、 吳肇軒等一起演一個穿越時空的感人微電影 。

《盲婚啞嫁》歌曲劇場版是講述Eason是一位攝影師，太太去世後，如何走出傷痛破繭重生的故事。歌詞內容意思是指人生如戲，劇本前世今生已定，我們只能順著劇本走下去，人生就好似「盲婚啞嫁」一樣，開始時，大家都不認識大家，莫講夫妻，父母兄弟姐妹，都是出生前一早已幫你揀定人選，當中是喜是悲，控制在於自己這位主角的心態。擁有過、失去過，兜兜轉轉間，有緣又會再重聚。



 
再次與蔡思韵合作，Eason 表示能再合作當然十分開心，發覺蔡思韵長大了不少，做戲更自然及有味道，「因為之前合作過，所以冇陌生感覺，覺得幾好呀真係....今次人人都做得好好，陳紫萱、 吳肇軒 、谷祖琳，什至演來影相的兩位老人家，都演得好好，得我一個演得唔夠好囉。」
 


記者問做咩咁謙呀？MV 中見到他又喊又笑，非常之咁投入兼演出戲味，Eason話，「我估係剪接剪得好。導演好啦。(你對住張空床，同攝影機喊晒，滴晒真眼淚喎 ) 係呀，真係滴晒真眼淚，拍攝場地其實好多人，可能個景set得好靚，好懷舊，幫到好大忙，係個景入面，咪自己走埋一角，諗下如果一個咁開心，咁樂觀伴侶離開自己會點，諗諗下，叫我埋位，眼淚就自然咁流左落嚟。不過講演技，我真係重有好多野要學，重有好大進步空間。」

這次MV之外，還有一個15分鐘劇場版，十足一套微電影，稍後亦會於網上發放給大家觀看。Eason表示，「微電影都係導演的構思，反正都拍一個故事，不如就拍多一個劇場版，「所以都拍左兩日，都幾長時間，但係都做得好開心，有滿足感嘅。」
 




陳奕迅新歌《盲婚啞嫁》 :

 
 
文 : PlayMusic編輯部                    資料/照片/影片 : EAS Music / 環球音樂